Sannur leiðtogi

Ungliðahreyfing Samfylkingarinnar, Samband ungra jafnaðarmanna var stofnuð í dag, nokkrum árum eftir að ungliðahreyfing Alþýðuflokksins, Samband ungra jafnaðarmanna, var stofnuð. Formaður fyrrnefnda sambandsins var valinn Vilhjálmur Hans Vilhjálmsson, laganemi. Nokkur bjartsýni hefur greinilega ríkt meðal Vilhjálms og stuðningsmanna hans um að hann næði kjöri, því merki sambandsins, sem var afhjúpað nokkrum dögum fyrir hinn svokallaða stofnfund, er brjóstmynd af leiðtoganum tilvonandi, Vilhjálmi H. Vilhjálmssyni, ásamt ónefndri stúlku.

Ungliðahreyfing Samfylkingarinnar, Samband ungra jafnaðarmanna var stofnuð í dag, nokkrum árum eftir að ungliðahreyfing Alþýðuflokksins, Samband ungra jafnaðarmanna, var stofnuð. Formaður fyrrnefnda sambandsins var valinn Vilhjálmur Hans Vilhjálmsson, laganemi. Nokkur bjartsýni hefur greinilega ríkt meðal Vilhjálms og stuðningsmanna hans um að hann næði kjöri, því merki sambandsins, sem var afhjúpað nokkrum dögum fyrir hinn svokallaða stofnfund, er brjóstmynd af leiðtoganum tilvonandi, Vilhjálmi H. Vilhjálmssyni, ásamt ónefndri stúlku.

Eins og sjá má lýsir myndin einstaklega vel þeim mikla eldmóði sem leiðtoginn ungi ber í brjósti. Hreinleiki og fölskvalaus einlægni skín úr andlitum ungmennanna, enda eru þau holdgervingar bjartari framtíðar undir forystu íslenskra jafnaðarmanna. Leiðtoginn er að sjálfsögðu í forgrunni – sterkur, ákveðinn og upplitsdjarfur – og að baki hans ímynd hinnar óspilltu íslensku fjallkonu, svo laus við syndir fortíðar, horfandi bjartsýn og bláeyg fram á veg.

Ungliðahreyfing jafnaðarmanna er öfundsverð af leiðtoga sínum. Hann ber höfuð og herðar yfir aðra ungliðaleiðtoga, sem fá ekki einu sinni mynd af sér á bréfsefni samtaka sinna, hvað þá í sjálft skjaldarmerkið. DEIGLAN óskar ungum jafnaðarmönnum til hamingju með nýkrýndan leiðtoga og beygir sig í duftið yfir mikilfengleik hans.

Borgar Þór Einarsson skrifar (Sjá alla)

Borgar Þór Einarsson skrifar

Borgar hefur skrifað á Deigluna frá stofnun, 3. febrúar 1998.