Ég heiti Ísbjörg, ég er ljón

sdfdHvað eiga Kristinn H. Gunnarsson, gormæltir, fitubollur, reykingamenn, fasistar, tóbaksvarnarráð, breska stjórnin, kontrapunktur, hræsnarar og þeldökkar samkynhneigðar grænmetisætur sammerkt? Jú, þau eru öll gestir helgarnestisins.

Það er ljótt að leggja hóp manna í einelti: Að vera feitur reykingamaður er svona álíka jafnvinsælt í samfélaginu og að vera samkynhneigð þeldökk grænmetisæta á árshátíð Félags íslenskra þjóðernissina.

Hvað eiga Kristinn H. Gunnarsson, gormæltir, fitubollur, reykingamenn, fasistar, tóbaksvarnarráð, breska stjórnin, kontrapunktur, hræsnarar og þeldökkar samkynhneigðar grænmetisætur sammerkt? Jú, þau eru öll gestir helgarnestisins.

Hafi einhver fitubollan ætlað að háma í sig helgarnesti dagsins er hætt við að sá biti geti staðið allillilega í henni. Nú hillir nefnilega undir að fitubollur fái að kenna á sömu meðölum og beint hefir verið gegn reykingamönnum á síðustu árum. Breska stjórnin kynnti nýverið tillögur þess efnis að setja viðvörunarlímmiða, sem svipa til þeirra sem límdir eru á vindlingapakka, utan á óholla matvöru. Þar sem pistlahöfundur er reykingamaður og langrækinn leiðindaskarfur með eindæmum stingur hann upp á nokkrum betri heilræðum gegn fitubolluvánni í helgarnesti dagsins.

Sem sérlegur áhugamaður um tóbaksnotkun af hvers kyns toga veit hann fátt betra en að slappa af með sígarettu, munntóbak og blása risatyggjókúlu úr nikótín-tyggjói um leið og hann slafrar í sig morgunmatinn. Hann var því guðslifandi feginn þegar hann frétti að leggja ætti fleiri minnihlutahópa í einelti en þann sem hann tilheyrir. Enda orðinn gjörsamlega bugaður maður eftir áralangar ofsóknir tóbaksvarnarráðs gegn honum, sem voru til lykta leiddar með því, að honum verður senn meinað að reykja þegar hann fer út að skemmta sér og öðrum.

Munurinn á fitubollum og reykingamönnum er nefnilega umtalsverður. Þannig vita allir hvort þeir reykja eða ekki, en fitubollur virðast ekki fatta hvaða hóp þær tilheyra. Gallinn er hins vegar sá að það er auðvelt að reykja í laumi — en öfugt við það sem flestar fitubollur halda — þá þýðir ekkert að sporðrenna Nonna í laumi; sönnunargögnin eiga það nefnilega til að loða við þær.

Þetta ætti að skapa Fituvarnarráði ríkisins (sem væntanlega verður stofnað innan skamms ef það á að gæta sanngirni gagnvart reykingamönnum) umtalsvert forskot á fórnarlömb sín. En í stað þess að beita fasískum baráttuaðferðum í heilögum anda tóbaksvarnarráðs, væri nær að notast við bestu lífrænu fælu sem sköpuð hefir verið: Framsóknarflokkinn! Þannig væri hægt að flokka vörur eftir mismunandi fituinnihaldi og þær vörur sem Manneldisráð teldi ógna holdafari alls þorra manna væri hægt að merkja með framsóknarfælum — ekki atkvæðaseðlum sem sannarlega eru framsóknarfælnir — heldur límmiðum sem á stæði:

„Ég mæli eindregið með þessari vöru!“

– Kristinn H. Gunnarsson.

Salan yrði engin. Þjóðin myndi grennast. Og bara allir sáttir!

Hér væri um svokallaða öfuga sálfræði að ræða. Það er samt ósanngjarnt af mér að eigna sjálfum mér alfarið þessa tillögu. Í raun er hún bara útfærsla á vondri hugmynd tóbaksvarnarráðs, sem lýsti því nýlega yfir að næsta skref í baráttunni gegn vágestinum væri að setja flennistóra límmiða með stórskemmdum líkamspörtum utan á alla vindlingapakka.

Helvítis, helvíti, er maðurinn bilaður? Er ég að mistúlka eða er hann virkilega að líkja hugmyndafræði Kristins H. Gunnarssonar við stórskemmda líkamsparta?

— „No comment!“

Hræsni er alveg mögnuð. Þannig er pistlahöfundur þess fullviss að heil hrúga af misgáfuðum mönnum mun rísa upp og lýsa því yfir að það sé fasísk baráttuaðferð að hefja opinbera herferð gegn fitubollum, þær séu menn eins og annað fólk — þrátt fyrir að sömu aðferðum hafi verið beitt gegn reykingamönnum í fjölda ára án nokkurra athugasemda.

Og þeir sem hneyklast fyrir hönd fitubollanna hafa rétt fyrir sér. Það er ólíðandi að stimpla mann sem einhvers konar annars flokks þegn vegna lífsstíls, hvort sem hann kýs að reykja eða borða hamborgara í morgunmat, hádegismat og kvöldmat.

Þessi þörf manna til að draga fólk í dilka og hefja krossferðir gegn lífsstíl þeirra er annað hvort fyrir ofan eða neðan skilning pistlahöfundar. Það er ljótt að leggja í einelti og ég legg hér með til að Regnbogabörn taki mig og aðra lífsnautnamenn undir sinn verndarvæng og sýni þessum gerræðisöflum hvar Davíð keypti ölið. Samstíga átaks er þörf, enda engin leið að spá fyrir um hvar þessi villuráfandi öfl drepa næst niður fæti. „Þjóðarátak gegn gormæltum!“— er reyndar svolítið ólíklegt, en þessar ofsóknir hafa gengið of langt og fyrir löngu kominn tími til að setja punkt.

Kontrapunkt.

Og talandi um hræsni. Þar sem pistlahöfundur telur sig vita að fjölmargir framsýnir piltar í veiðihug hugsa sér gott til glóðarinnar um helgina, fer vel á því að enda fordæmalaust fordómalausa viku á Deiglunni á eftirfarandi spakmæli, sem höfundur heyrði fleygt í brúðkaupi á dögunum: Stór brjóst um tvítugt — feitur rass um fertugt!

Góða helgi.

Halldór Benjamín Þorbergsson skrifar (Sjá alla)