Saklaus uns sekt er sönnuð… eða hvað?

Menn eru saklausir uns sekt er sönnuð. Þetta hefur hingað til verið talin meginregla í öllum vestrænum réttarríkjum og þótt víðar væri leitað. Páll Þórhallsson, lögfræðingur, sem skrifað hefur töluvert um lögfræðileg málefni í Morgunblaðið, segir í grein sinni, Uns sekt er sönnuð, í Morgunblaðinu sl. sunnudag, þar sem hann fjallar um tvo dóma Hæstaréttar í kynferðistafbrotamálum, að í þeim tilvikum hafi öllum vafa um sekt sakborninga verið ýtt til hliðar.

Menn eru saklausir uns sekt er sönnuð. Þetta hefur hingað til verið talin meginregla í öllum vestrænum réttarríkjum og þótt víðar væri leitað. Páll Þórhallsson, lögfræðingur, sem skrifað hefur töluvert um lögfræðileg málefni í Morgunblaðið, segir í grein sinni, Uns sekt er sönnuð, í Morgunblaðinu sl. sunnudag, þar sem hann fjallar um tvo dóma Hæstaréttar í kynferðistafbrotamálum, að í þeim tilvikum hafi öllum vafa um sekt sakborninga verið ýtt til hliðar.

Bendir Páll á að vegna þessara nýju áherslna geti karlmenn orðið varnarlausir gagnvart tilefnislausum kærum, sem sprottnar gætu verið af hefnigirni, þörf á athygli eða jafnvel afsökun fyrir vafasömu hliðarspori. Leggur Páll til að leitt verði í lög nýtt hegningarlagaákvæði til að festa þessa réttarþróun í sessi:

„Hver sá sem hefur samræði eða önnur kynmök við konu skal sæta að lágmarki tveggja ára fangelsi nema hann sýni fram á að óþvingað, upplýst og afdráttarlaust samþykki hennar hafi legið fyrir. Sá sem brýtur gegn ákvæði þessu skal greiða konunni miskabætur að fjárhæð 400.000 kr. nema sýnt sé fram á að tjónið sé meira.
Fylgi ofbeldi verknaði skal þyngja refsinguna um allt að helming.
Fella skal refsingu niður ef karlmaður mátti svo sem vegna hjónabands eða undanfarins ástarsambands ætla að samþykki lægi fyrir enda hafi ofbeldi, hótunum um ofbeldi eða annarri ólögmætri nauðung ekki verið beitt.“

Borgar Þór Einarsson skrifar (Sjá alla)

Borgar Þór Einarsson skrifar

Borgar hefur skrifað á Deigluna frá stofnun, 3. febrúar 1998.