Munu verslunarmiðstöðvarnar lifa af?

“Þetta eru seinustu eintökin, við erum að loka,” sagði afgreiðslumaður tölvudeildar í risastórri raftækjaverslun í einni af stærstu verslunarmiðstöðvum borgarinnar. Á hæðinni fyrir neðan hafði útibú frá stærstu bókaverslanarkeðju landsins þegar skellt í lás.

Mikið hefur verið fjárfest í verslunarhúsnæði víða um heim. Á Poznan-svæðinu eru til dæmis um stórar verslunarmiðstöðvar fyrir 600 þúsund íbúa. Á sama tíma er vefverslun að aukast, hefðbundin verslun að minnka og Covid-krísan hefur heldur aukið við þessa þróun heldur en hitt.

Verslunarmiðstöðvar eiga í vandræðum og þurfa að leita nýrra leiða til að nýta rýmið. Við sjáum þetta líka gerast á Íslandi þarsem World Class er nú flutt í Kringluna, í viðbyggingu sem er ekki svo gömul og var væntanlega byggð með veltumeiri starfssemi í huga.

Á vappi um miðevrópskar verslunarmiðstöðvar rakst ég einmitt á: sjónhverfingasafn, trampólíngarður, keilusal, kóngulóasýningu, líkamsræktarstöð, líkamsræktarstöð, billjarðstofu og dansskóla. Allt þetta var ný starfsemi sem kom í rými sem áður hýstu verslanir.

Þetta er þróun sem búast má við að berist í auknum mæli til Íslands. Verslunarmiðstöðvar munu þurfa að laða til sín fjölbreyttari starfsemi en áður, ef þær ætla að lifa af.

Pawel Bartoszek skrifar (Sjá alla)

Pawel Bartoszek skrifar

Pawel hóf að skrifa á Deigluna í september 2002.