Má bjóða þér hamborgara?

Ímyndum okkur að við séum svöng eftir mikla erfiðisvinnu og okkur fer að hungra í góðan mat. Í kjölfarið er tekin sú ákvörðun að seðja hungrið með glóðarsteiktum hamborgara með öllu því dýrindis meðlæti sem er í boði. Hugsum okkur svo að um leið og maður hefði pantað þennan hamborgara þá hefði maður þess í stað fengið í hendurnar matseðil með eftirfarandi texta:

Ímyndum okkur að við séum svöng eftir mikla erfiðisvinnu og okkur fer að hungra í góðan mat. Í kjölfarið er tekin sú ákvörðun að seðja hungrið með glóðarsteiktum hamborgara með öllu því dýrindis meðlæti sem er í boði. Hugsum okkur svo að um leið og maður hefði pantað þennan borgara þá hefði maður þess í stað fengið í hendurnar matseðil með eftirfarandi texta:

– Stefnt skal að því með tímanum að bjóða uppá hamborgara á heimsmælikvarða hvort sem litið sé til hollustu, bragðs, litar, áferðar, ilms eða matarupplifunar.
– Kanna þarf af hverju franskar kartöflur hafa hátt fituhlutfall en lágt næringarhlutfall og hugað verður að gerð áætlunnar um endurbætur á þessu fyrirkomulagi
– Koma þarf á fót barnahorni enda hafa rannsóknir sýnt að leikur er börnum hollur
– Tryggja þarf gæði tómatsósu staðarins með öflugu gæðamati byggt á alþjóðlegum stöðlum.
– Grænn mat er eitt skýrasta sóknarfæri veitingastaða á næstu áratugum. Til að nýta það þarf að huga að innviðum, mannauði, umhverfismálum, sjálfbærri nýtingu auðlinda, skattalegu umhverfi, auk umhverfis rannsókna og þróunar.
– Mörkuð skal skýr stefna um matseðla og unnin verður áætlun um jöfn hlutföll fæðutegunda á matseðlinum.

Í síðasta mánuði var kynnt verkefnið Ísland 20/20 sem er framtíðarsýn stjórnvalda um Ísland næstu árin. Þessu verkefni höfðu margir beðið eftir með óþreyju enda hefur oft verið erfitt að átta sig á stefnu stjórnvalda í ýmsum atvinnutengdum málum.

Því miður var innihald skýrslunnar keimlíkt matseðlinum áðurnefnda. Það er ekkert sérstaklega slæmt í þessari skýrslu. Það vantar bara kjötið.

Í dag eru sérlega frjóir tímar þar sem Íslendingar geta endurhugsað hvaða atvinna verði ríkjandi næstu áratugi. Til þess að það gerist þá þarf að velja á milli ólíkra kosta.

Dæmi um það væri ákvörðun um að gera ekki fleiri fjárfestingarsamninga við álframleiðendur heldur leggja áherslu á fleiri og smærri kaupendur raforku. Önnur slík ákvörðun gæti verið að stórauka útskrifaða verk- og tæknifræðinga og tvö eða þrefalda fjármagn til þess náms.

Sú stefnumörkun sem ríkisstjórnin styðst við dag frá degi, fjárlagafrumvarpið, lýsir forgangsröðun ár frá ári. Í núverandi fjárlögum er ekki tekið með afgerandi hætti nein afstaða með þeim hætti sem hér er talað um.

Enginn hamborgari, bara mjög mikið af kokteilsósu.

Óli Örn Eiríksson skrifar (Sjá alla)

Óli Örn Eiríksson skrifar

Óli Örn hóf að skrifa á Deigluna í september 2004.