Aflakló á Íslandsmiðum

Tarantino eyddi áramótunum aftur á Íslandi. Rasar út um íslenskt hitamál hjá Flugufætinum.

,,Takk fyrir mig!“ Hefur verið sofandi í 30 klukkustundir – Aflakló á Íslandsmiðum – Harmar auglýsinguna í áramótaskaupinu – Fagnar endurkjöri Ólafs – Kvikmyndaborgin Reykjavík mun standa vörð um almannahagsmuni – Ætlar að sitja límdur yfir EM í handknattleik.

Hinn heimsfrægi leikstjóri Quentin Tarantino eyddi áramótunum sem kunnugt er á Íslandi. Flugufótnum lék forvitni á vita hvernig leikstjóranum hefði líkað land og þjóð og náði honum í símaviðtal þar sem hann var nývaknaður á hemili sínu í Los Angeles.

,,Þetta var jafnvel enn betra en fyrra skiptið get ég sagt þér“ sagði Tarantion glaður í bragði. ,,Ég þakka sérstaklega blaðamönnum Vísis fyrir samstarfið. Fréttatilkynningar þeirra voru gulls í gildi. Annars er ég bara búinn að vera sofandi síðan ég lenti. Sofandi síðan að morgni 2. janúar.“Aðspurður um hvort Tarantino hefði undirbúið sig sérstaklega fyrir Íslandsförina, svaraði hann; ,,Ég hef náttúrulega komið áður. Jú, maður auðvitað dustaði rykið af nokkrum gömlum númerum og svona. Fann peysuna sem Jonni gaf mér fyrir síðustu heimsókn. Svo er þetta auðvitað smá skipulagning. Svo renndi ég aðeins yfir vinsælustu bókina ykkar í vélinni hingað…Harðskaufi. Hún kom á óvart.“

Ferðamannastraumur fer vaxandi til Íslands um áramót og hefur meðal annars þrefaldast frá árinu 2002. Margir þakka Tarantino og félaga Sutherland. ,,Kiefer bað að heilsa úr grjótinu. Kallgreyið. Hann kemur á næsta ári“ En Tarantino er smeykur við þróunina. ,,Þetta er að verða svolítið erfiðara. Eins og Rússarnir núna. Það var svolítill völlur á þeim. En meðan maður hefur útlitið sjáðu til…“ Tarantino vildi ekki kannast við að nætt hefði um hann á nýársnótt í óvægnu íslensku veðurfari. ,,Hvað segirðu blés hann? Það hefur farið fram hjá mér. Ætli það hafi ekki verið peysan hans Jonna.“ En flugeldarnir eru hættuspil bætir hann við. ,,Þetta er stórhættulegt. Og verður bara antík eftir nokkur ár. Ég tek heilshugar undir leiðara Fréttablaðsins….og svifrykið..biddu fyrir þér. Gamla fólkið er bara í stofufangelsi.“

Eitthvað þurfti að rifja upp fyrir goðinu fund sem hann og Fagur B. Gali, borgarstjóri áttu um möguleika þess að gera Reykjavík að alþjóðlegri kvikmyndaborg. ,,Ahhh já. Fagur var mjög hress. Algjör fagmaður. Við vorum svona að ræða þetta. Honum finnst hann svolítið vanta sinn mann sko. Svona til að stimpla sig inn. Eins og fyrrverandi borgarstjórinn. Og þessi kvikmyndaborg sko. Það er mjög sniðugt. Og yrði virkilega faglegt og lýðræðislegt, skilurðu. Mjög skandinavískt dæmi. Þannig að maður kemur sennilega aftur og vígir dótið og fengi frítt flug beint í sollinn. Og fæ að taka Elí með. Svo það er mjög jákvætt.“

Til stendur að Tarantino verði gestur í kvöldþætti Jay Leno í byrjun næstu viku. Ólöf Ýr Atladóttir, nýskipaður ferðamálastjóri, hefur látið hafa eftir sér að það verði hennar fyrsta verk að fá lögbann á þáttinn. ,,Ég held að Ólöf ætti að hugsa um eitthvað annað og þetta er held ég frekar til þess fallið að tortryggja þessa ráðningu. Ég meina skaðinn er skeður. Þið jörðuðuð þetta í Opruh um árið“. Tarantino er orðinn annálaður handknattleiksunnandi eftir veru sína hér á landi. ,,Handknattleikurinn er stórkostleg íþrótt. Vinkona mín kynnti mig fyrir þessu en hún er fyrrverandi einhvers í landsliðinu. Það er hraði og spenna allan tímann. Ég mun horfa. Ég held að ef að ef Logi ratar með hann á samherja, þá takið þið dolluna.“ Við slitum í kjölfarið símtalinu á kunnuglegum nótum. Á sama tíma að ári.

thorlindur@deiglan.com'
Flugufóturinn skrifar (Sjá alla)