Að venju hefur mikið fjaðrafok verið í kringum ráðherraskiptin og framgangur fjölmiðla í þeim málum verið furðulegur.
Botninn tók þó úr í gærkvöldi er fréttastofa Sjónvarps tók nýja ráðherra Framsóknarflokksins tali.
Efnistök Sigmars Guðmundssonar, fréttamanns, voru með þeim hætti, að allt eins hefði mátt halda að Guðni Ágústsson væri nýkjörin fegurðardrottning. Spurningar eins og „Hvernig er þér innanbrjósts?“ og „Áttirðu von á þessu?“ minntu óþyrmilega á stóru stundina í fegurðarsamkeppni.
Engan áhuga virtust fréttamenn hafa á því hvaða áherslubreytingar yrðu með nýjum ráðherrum. Er það mjög í takt við fréttamat íslenskra fjölmiðla, flestra.
Borgar hefur skrifað á Deigluna frá stofnun, 3. febrúar 1998.
Borgar Þór Einarsson skrifar (Sjá alla)
- Töfrar fótboltans felast í hluttekningunni - 20. apríl 2021
- Páskahret á tilsettum tíma - 3. apríl 2021
- Ef engin jurt vex í þinni krús - 1. apríl 2021
