Sálumessa syndarans

Fyrir tveimur árum kom út bók eftir lækni nokkurn. Bókin hét Sálumessa syndara og olli hún nokkru fjaðrafoki.

Fyrir tveimur árum kom út bók eftir lækni nokkurn. Bókin hét Sálumessa syndara og olli hún nokkru fjaðrafoki. Deiglunni virðist óheppilegt að þetta heiti skuli hafa verið notað á þessa tilteknu bók, því það hefði svo miklu fremur átt við um æviminningar Steingríms Hermannssonar, en annað bindi þeirra er nýútkomið. Í fyrra bindinu lýsti Steingrímur því fjálglega þegar hann, sonur forsætisráðherra Framsóknar, keypti sér jeppa á tímum skömmtunar og hafta þegar sérstök leyfi og gildar ástæður þurfti fyrir slíkum kaupum. Var jeppinn skráður sem landbúnaðartæki á bónda í Borgarfirði. Höftin voru nefnilega bara fyrir almenning og hann var ekki í Framsóknarflokknum, hvað þá var hann sonur forsætisráðherrans.

En í öðru bindinu er Steingrímur orðinn formaður Framsóknar og forsætisráðherra í þokkabót. Óþarft er rekja syndir Steingríms á valdastóli en í bókinni lætur hann eins og dæmigerður alkóhólisti; gumar af spillingu sinni en fordæmir hana í sama orðinu. Ævifrásögnin er því greinilega eins konar meðferðarúrræði í tilviki Steingríms; tilraun fyrrverandi stjórnmálamanns til að sættast við fortíðina; sálumessa syndara.

Borgar Þór Einarsson skrifar (Sjá alla)

Borgar Þór Einarsson skrifar

Borgar hefur skrifað á Deigluna frá stofnun, 3. febrúar 1998.