Radíó Deiglan


Radíó Deiglan 1704 – Samsæri

Þórlindur Kjartansson og Andri Óttarsson sóttu fyrirlestur sérlega áhugaverðs rithöfundar í Hörpu og ræddu í kjölfarið saman um samsæriskenningar. Í þættinum er rætt um sitthvað áhugavert, en í honum er einnig að finna upplýsingar um hverjir það eru sem raunverulega stjórna heiminum og hvað þeir hafa í hyggju.


Radíó Deiglan 1703 – Gervigreind

Þórlindur Kjartansson og Kristján Freyr Kristjánsson Deiglupennar tala saman um gervigreind og áhrif hennar á daglegt líf, hættunum sem kunna að fylgja henni og eru ekki alls kostar sammála um að hversu miklu leyti tæknin mun leysa mannfólkið af hólmi á ýmsum sviðum.


Lundi og Mundi – 3. mars 1977

Nýr þáttur hefur göngu sína á Radíó Deiglunni. Þórlindur Kjartansson og Guðmundur Rúnar Svansson stjórna þættinum „Mundi og Lundi.“ Í þættinum er farið yfir helstu mál sem efst voru á baugi á þessum degi, en þó ekki á þessu ári. Í fyrsta þættinum er fjallað um helstu málefni dagsins þann 3. mars 1977. Þá var rifist um brennivín, stóriðju og spillta stjórnmálamenn…how things have changed.


Einu mennnirnir með viti – S3E08

Einu mennirnir með viti halda áfram umfjöllun um klassísk ævintýri; en beina nú sjónum sínum að hinu nýklassíska ævintýri um Corleone fjölskylduna. Í fyrsta hluta af sex er fjallað um þrjá af mönnunum sem mættu til Don Corleone í upphafi myndarinnar og óskuðu eftir greiða. Einu mennirnir með viti biðjast velvirðingar á hljóðgæðum í þessum þætti og vona að hún spilli ekki of fyrir upplifuninni.


Radíó Deiglan 1701

Í fyrsta þætti Radíó Deiglunnar spjalla Þórlindur Kjartansson og Guðmundur Rúnar Svansson um embættistöku Trump í Bandaríkjunum, velta fyrir sér hvað veldur því að hann náði kjöri, meta áhrifin á Ísland og ræða líkurnar á því að honum verði með einhverjum ráðum komið úr embætti áður en kjörtímabilinu hans líkur.


Einu mennnirnir með viti – S3E07

Einu mennirnir með viti fjalla um ævintýrið um Mjallhvíti (og dvergana sjö) og koma að venju víða við. Vísað er í lærðar sálfræðigreinar og óformlegar kannanir á klámmyndagerð. Atriði í þættinum eru ekki við hæfi viðkvæmra. Einu mennirnir með viti óska hlustendum gleðilegra jóla.


Einu mennnirnir með viti – S3E06

EInu mennirnir með viti fjalla um Nýju fötin keisarans út frá ýmsum hliðum. Þeir koma líka við í tveimur brúðkaupum, á Spáni og þótt þátturinn sé ekki í boði Oddsson þá er sagt frá boði með Oddsson. Flateyri kemur líka við sögu, en mjög óbeint, þannig að einungis innvígðir og innmúraðir eru líklegir til þess að átta sig á samhenginu.


Einu mennnirnir með viti – S3E05

Einu mennirnir með viti taka íslensku þjóðsöguna um 18 barna föður í álfheimum til umfjöllunar en fara líka víða um annars konar velli. Þeir ræða hlutverk og valdmörk sundlaugarvarða, skoða samvinnu Johns og Yoko, fara yfir stöðuna í Framsókn og ræða um Deigluna, Viðreisn og Sjálfstæðisflokkinn. Einu mennirnir með viti, nú í steríó, eru semsagt að dratta sér aftur í gang.


Einu mennnirnir með viti – S3E04

Einu mennirnir með viti taka hið klassíska ævintýri um Rauðhettu til umfjöllunar. Í þessum þætti fara þeir út fyrir þægindarammann og gera tilraun til leiklesturs en skríða svo aftur inn í hann þegar þeir taka til umfjöllunar forsetakosningarnar og nýja áhugamálið sitt, ameríska hafnaboltann.


Einu mennnirnir með viti – S3E03

Einu mennirnir með viti fjalla um hið klassíska og stórskemmtilega ævintýri um Stígvélaköttinn. Margt ber á góma, meðal annars Hauck&Aufhauser og hinn þýski stígvélaköttur—Peter Gatti. Línan er gefin um um forsetakosningar heima og erlendis, knattspyrnuþjálfarinn George Kirby kemur við sögu og þáttastjórnendur lýsa aðdáun á nýjum utanríkisráðherra.



Page 1 of 41234