Fleyting krónunnar

Nýverið voru sett lög um gjaldeyrishöft á Íslandi. Tilgangur þessara laga virðist vera sá að takmarka eigi flótta erlendra aðila sem fjárfest hafa í íslensku krónunni. Þetta er skiljanlegt því stöður þessara fjárfesta nema víst 500 milljörðum. Þannig að ef þeim væri öllum leyft að selja krónur sínar um leið myndi gengið hríðfalla. Því getur maður séð ákveðna kosti í þessum lögum.

Nýverið voru sett lög um gjaldeyrishöft á Íslandi. Tilgangur þessara laga virðist vera sá að takmarka eigi flótta erlendra aðila sem fjárfest hafa í íslensku krónunni. Þetta er skiljanlegt því stöður þessara fjárfesta nema víst 500 milljörðum. Þannig að ef þeim væri öllum leyft að selja krónur sínar um leið myndi gengið hríðfalla. Því getur maður séð ákveðna kosti í þessum lögum.

Samt er alltaf slæmt þegar sett eru svona skilyrði. Er þetta ekki bara tímabundin töf á því sem koma skal. Þessir aðilar munu væntanlega flestir vilja loka stöðum sínum. Þannig að þegar höftunum verður aflétt mun þá krónan ekki bara hrynja í virði?

Það er því augljóst að þær miklu styrkingar, sem voru í síðustu viku, eru ekki tilkomnar vegna fjárfestinga eða fjármálagerninga erlendra aðilla því lögin banna það. Því hlýtur maður að spyrja sig hvers vegna virði krónunnar hafi aukist svona mikið þegar á bak við eru einungis venjuleg viðskipti vegna inn- og útflutnings. Markaðurinn hefur verið að velta frekar litlum fjárhæðum þessa daga og því skrítið að svona miklar breytingar eigi sér stað.

Það eru vissulega margir að hagnast á þessum breytingum. Bankarnir því erlendu lánin sem þeir hafa veitt landanum eru ekki lengur varinn með lántöku í erlendum myntum. Fólkið í landinu hagnast með minni verðbólgu og minni afborgunum á gjaldeyrislánum. Ríkið því að landinn róast talsvert við svona styrkingu. Það eru ábyggilega fleiri sem hafa eitthvað undir og óþarft að telja þá alla upp.

Vegna þessa hljótum við spyrja hvaðan virðisaukning komi og hvort hún sé ekki bara tímabundin og jafnvel ómarktæk. Enn eru allir erlendu fjárfestarnir með sínar stöður og gengið milli evru og krónu er ekki svona gott hjá evrópska seðlabankanum.

Það er mjög skiljanlegt að ríkisstjórnin vilji takmarka veikingu krónurnar sem á eftir að koma með fjármagnsflótta erlendra stöðutaka. Aftur á móti er sú styrking sem orðin er á síðustu dögum undarleg. Er virkilega svo mikil eftirspurn eftir íslensku krónunni?

Latest posts by Einar Leif Nielsen (see all)

Einar Leif Nielsen skrifar

Einar Leif hóf að skrifa á Deigluna í janúar 2008.